من يومين كده تحديدا يوم الاربعاء الماضي ..اليوم اللي حصل في شقلبنات على صلاح سالم ومصر كلها وقفت وكان في حالة ذعر عالناس في الشارع وشاركهم عساكر اشارة المرور اللي كانوا متطوعين بابلاغ الناس بطرق مختلفه للوصول لمكانهم غير طريق صلاح سالم حصرا على سلامتهم يعني...ايوة في اليوم ده انا كنت في الشارع ^^!!!!
وكنت يومها اخيرا اخذت اهم خطوة في حياتي الا وهي اني امشي وراء حلمي واخذ فيه خطوات جدية وقد كان..
في اليوم ده روحت المركز الثقافي الروسي وحجزت كورس المايا هناك ...ايون المايا العزيز ...البرنامج اللي بيتعمل بيه (مش هو بس يعني معاه برامج تانيه بس هو الاساسي) افلام الأنميشن والـ3D ^^
كنت في حالة سعادة بالغة مختلطة ببعض الحقد الدفين عالفلوس اللي هتدفع XD,, بس بحاول اصبر نفسي يعني بالفائدة اللي هتعود عليه بعد ما اخلص وكده..وبصراحة لولا ان واحدة صاحبتي هتاخدوا معايا مكنتش اتشجعت قوي كده خاصة اني بحبها جداااا :) :) ,,,
ياااه قد ايه اليوم ده مهم كان..انا مبسوطة ومزقططة وعندي في البيت مولعين قلق عليا عشان اللي بيحصل وهوب في الطريق كلموني وقالولي ان المطلع اتقفل..أيوة مطلع المقطم اللي على صلاح سالم ده..فبابا بقى نزل وماما معاه طبعا مستحملتش تقعد في البيت ومغامرات تلفونية عشان اعرف اقابلهم لحد ما اخر كلام اني اركب تكس من عند لفه كده بعد السيدة عائشة وهو يوديني عن المطلع من على الاتوستراد ..المهم انا ركبت تاكس لقيت السواق(كبير شوية في السن ممكن في اواخر الاربعينات مثلا) بعد خمس دقايق بيقولي "نصيحة مني بلاش تركبي لوحدك تاكسي في وقت متأخر "..انا بقى رديت في ضيق "معلش منا مضطرة هعمل ايه المطلع مقفول ومفيش ميكروباسات يعني!!"
قام قالي "والله انتي ربنا بيحبك" كانت ساعتها الساعه 9 مساءً ولا حاجه اه متأخرة بس يعني البلد واقفه اخودها موتورجل ؟؟
بس لما وصلت كان بابا وماما واقفين بقلق فنزلت من التاكس وبابا راح دفعله
(كانت حركة جنتلة والله من بابا ربنا يكرمه :)) )
يقوم الراجل يقول لبابا ايه ؟ قاله بالله عليك ماتسيبهاش تركب لوحدها تاني ...يا عم نتاش شايفه قلقان وحالته حاله هي ناقصااك..؟؟
هو الراجل كتر خيره يعني بس مش وقته بابا رد عليه نفس ردي بلطافه مصطنعة طبعا..وركبنا وروحنا الحمد لله..
وطبعا اخدتلي كلمتين في جنابي من بابا بس لا مشكله ..لازلت ابتسم ومتفائلة بان الجاي أحلى باذن الله ^^!
**الرسمة دي رسمتها قبل الحكاية دي خالص كانت شخابيط كده..بس هي فعلا بتعبر عن احساسي اليوم ده :)
